Google ADS

Policia kërkon ndihmën e qytetarëve për arrestimin e 34-vjeçarit të dyshuar për vjedhje të rëndë

14:14 | 7 Mars 2024
E.G

Policia e Kosovës në Gjilan ka kërkuar ndihmën e qytetarëve për lokalizimin dhe arrestimin e të dyshuarit, Besart Leka për vjedhje të rëndë.

Sipas njoftimit, policia ka marrë të gjitha veprimet me qëllim të lokalizimit të 34 vjeçarit, shkruan Arbresh.info.

“Policia e Kosovës, Drejtoria Rajonale e Policisë në Gjilan, bazuar në autorizimin e Prokurorisë Themelore në Gjilan, me qëllim lokalizimin dhe arrestimin e të dyshuarit, lëshon këtë kërkesë për bashkëpunim me qytetarë dhe mediat. Drejtoria Rajonale e Policisë në Gjilan në vazhdimësi ka marrë dhe është duke marrë të gjitha veprimet me qëllim të lokalizimit të personit të dyshuar.”, thuhet në njoftimin e policisë.

Më tej, policia ka kërkuar nga qytetarët që kushdo që ka informacion për vendndodhjen e personit të lajmërojë Policinë e Kosovës në stacionin më të afërt policor apo përmes aplikacionit digjital “Lajmëro Policinë’’, E-mail: [email protected] dhe numrat kujdestarë:192; 03850807001./Arbresh.info/

Shpërndaje në rrjete sociale

Lajmet më të lexuara

Të ngjashme

Foto lajm